Sit meh als zäh Johr tummelnd sich meh als drü Säuli i erem wunderschöne Hüttli.

I dem selber baschtlete Kulturruum isch amigs d’Poscht abgange. Si hend Musig gmacht, für alli Säuli koched, und eres Stöcklispiel isch au vo vielne gschätzt worde. Es het en Ruum gha zum mol s’Säuli useloh und so richtig z’grunze.

Da isch so lang so schön gsi. Aber wie immer gits irgendwo en Wolf. De Wolf het jetzt aber gnueg vodene sauguete Fäschter und hät gfunde: „Jetzt isch gnueg!“

Do hät dä fräch Siäch eifach s’Hüttli vo dene chline Säuli in Oschte use blose.

Jetzt isch s’Hüttli nüm so schön warm und gmüetlich und drum bruche die Säuli Eui Hilf. Es isch ihne gseit worde, dezue bruchis aber ganz vieli Batze, viel Werkzüg, en Berg vo Material und no so viel meh.

Häts ech gnueg Säuli ume, wo do gern mithelfed?

Wend lust hesch zum dene Säuli helfe, den meld doch uf kontak@rumpeltum.ch oder 071 222 81 05 Dini Idee oder schmeiss chli was is Kässeli.